ՍԴ ՆԱԽԱԳԱՀԻ ՀԱՏՈՒԿ ՄՐՑԱՆԱԿ՝ ԱՐՑԱԽՑԻՆԵՐԻ, ԲՌՆԻ ՏԵՂԱՀԱՆՎԱԾ ԱՆՁԱՆՑ ԻՐԱՎՈՒՆՔՆԵՐԻ ԼԱՎԱԳՈՒՅՆՍ ԼՈՒՍԱԲԱՆՄԱՆ ՀԱՄԱՐ
2023 թվականի դեկտեմբերի 11-ին Սահմանադրական դատարանի նախագահ Արման Դիլանյանը մասնակցել է Մարդու իրավունքների միջազգային օրվան նվիրված՝ «Հոդված 3․ լրագրողները՝ հանուն իրավունքների» մրցանակաբաշխությանը։
Ողջունելով միջոցառման մասնակիցներին, Արման Դիլանյանը շեշտել է, որ ժողովրդավարական պետության կայացման գործում անգնահատելի է ազատ խոսքի և պատասպանատու լրագրության դերը։ ՍԴ նախագահն ընդգծել է բարեխիղճ, պատասխանատու, մասնագիտությանը նվիրված լրագրողների աշխատանքի կարևորությունը՝ հաշվի առնելով որ տեխնոլոգիաների զարգացմանը զուգահեռ, տեղեկատվական կեղծ հոսքերի, տեղեկատվական գրոհների պայմաններում մարդիկ երբեմն դժվարանում են տարբերակել իրական և կեղծ ինֆորմացիաները, և այս առումով հսկայական բեռ են կրում հենց լրագրողները՝ ֆիլտրելով ու հանրայնացնելով իսկապես արժանահավատ տեղեկատվություն։
ՍԴ նախագահի խոսքով, լրագրողներն ու դատական իշխանությունը բնական դաշնակիցներ են ինչպես մարդու իրավունքների պաշտպանության, այնպես էլ՝ փոխադարձ գործունեության գնահատման և պաշտպանության առումով։ Արման Դիլանյանը նշել է, որ բարձր է գնահատում լրագրողների օբյեկտիվ և կառուցողական քննադատությունը, ինչը թույլ է տալիս առավել հստակ ախտորոշել և լուծել հնարավոր խնդիրները։
«Լրագրողները՝ հանուն իրավունքների» ամենամյա մրցանակաբաշխության շրջանակներում Բարձր դատարանի նախագահը «Հատուկ մրցանակ» անվանակարգում հուշանվեր ու հավաստագիր է հանձնել արցախցի լրագրող Մարութ Վանյանին՝ ով, հատկապես, շրջափակման օրերին տեղեկատվությամբ և որակյալ լրագրությամբ միջազգային մեդիաներին հասանելի է դարձրել Արցախում տիրող իրավիճակը, իրավունքների խախտման խնդիրները։
Նորություններ
23 ապրիլի 2024թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 4(112) 2023 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
23 ապրիլի 2024թ.
ԼՈՒՍԱԲԱՆՄԱՆ ՀՐԱՎԵՐ
15 ապրիլի 2024թ.
ՄԻԵԴ-ՈՒՄ ՀՀ ԴԱՏԱՎՈՐԻ ԸՆՏՐՈՒԹՅԱՆ ԿԱՐԳԸ
15 ապրիլի 2024թ.
ՀԱՆԴԻՊՈՒՄ ԵՎ ԱՇԽԱՏԱԺՈՂՈՎ ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ
12 ապրիլի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
12 ապրիլի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐՆԸՆԿԱԼՎԵԼ Է ԵՎՐՈՊԱՅԻ ԽՈՐՀՐԴԻ ՊԱՏՎԻՐԱԿՈՒԹՅՈՒՆԸ
11 ապրիլի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ՊԱՏՎԻՐԱԿՈՒԹՅԱՆ ԱՅՑԸ ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅԱՆ ԲԱՐՁՐ ԵՎ ԴԱՏԱԿԱՆ ԱՅԼ ԱՏՅԱՆՆԵՐ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: