ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ ԵՆ ՄԻՋԱԶԳԱՅԻՆ ԱՄԱՌԱՅԻՆ ԴՊՐՈՑԻ ՈՒՆԿՆԴԻՐՆԵՐԸ
2023 թ. օգոստոսի 16-ին Հայաստանի Հանրապետության Սահմանադրական դատարանում հյուրընկալվել են եվրոպական ԲՈՒՀ-երի ուսանողները։ Եվրասիա միջազգային համալսարանի կողմից կազմակերպված, ԵՄ-ի և DAAD-ի` աջակցությամբ իրականացվող Ժան Մոնե «Միջազգային և ԵՄ իրավունքի և քաղաքականության արդի մարտահրավերները. անվտանգության և մարդու իրավունքների ճգնաժամերը եվրոպական հարևանության երկրներում» (Երևան, 14-25 օգոստոսի 2023 թ.) ամառային դպրոցի ուսանողների հետ հանդիպել է Սահմանադրական դատարանի դատավոր, փոխնախագահ Վահե Գրիգորյանը։
Դատավոր Գրիգորյանը ուսանողներին ներկայացրել է Հայաստանում սահմանադրական արդարադատության ինստիտուցիոնալ և մեթոդական զարգացման հիմնախնդիրները, ինչպես նաև Սահմանադրական դատարանի դերը Հայաստանյան իրավական համակարգի կայացման գործում։ Անդրադարձ է կատարվել ներպետական իրավական համակարգում միջազգային իրավական չափանիշների դերին:
Բարձր դատարանում տեղի ունեցած հանդիպմանը մասնակցել են Ֆրանկֆուրտ Օդերի Եվրոպական համալսարանի, Բեռլինի Ֆրեյ համալսարանի, Եվրոպայի համալսարանի, Ֆուլդայի կիրառական գիտությունների համալսարանի, Դուբլինի համալսարանական քոլեջի, Լայպցիգի համալսարանի, Տրիերի համալսարանի, Լոնդոնի տնտեսագիտության և քաղաքական գիտությունների դպրոցի, Քրիստիան-Ալբրեխտի Քիլի համալսարանի, Մայնի Ֆրանկֆուրտի Գյոթեի համալսարանի, Պասաուի համալսարանի, Նովա համալսարանի, Երևանի պետական համալսարանի, Պետական կառավարման ակադեմիայի և Եվրասիա միջազգային համալսարանի ուսանողները։
Հանդիպամնը հաջորդեց աշխույժ քննարկում:
Նորություններ
23 ապրիլի 2024թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 4(112) 2023 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
23 ապրիլի 2024թ.
ԼՈՒՍԱԲԱՆՄԱՆ ՀՐԱՎԵՐ
15 ապրիլի 2024թ.
ՄԻԵԴ-ՈՒՄ ՀՀ ԴԱՏԱՎՈՐԻ ԸՆՏՐՈՒԹՅԱՆ ԿԱՐԳԸ
15 ապրիլի 2024թ.
ՀԱՆԴԻՊՈՒՄ ԵՎ ԱՇԽԱՏԱԺՈՂՈՎ ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ
12 ապրիլի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
12 ապրիլի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐՆԸՆԿԱԼՎԵԼ Է ԵՎՐՈՊԱՅԻ ԽՈՐՀՐԴԻ ՊԱՏՎԻՐԱԿՈՒԹՅՈՒՆԸ
11 ապրիլի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ՊԱՏՎԻՐԱԿՈՒԹՅԱՆ ԱՅՑԸ ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅԱՆ ԲԱՐՁՐ ԵՎ ԴԱՏԱԿԱՆ ԱՅԼ ԱՏՅԱՆՆԵՐ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: